ნიკოლოზ ბასილაშვილი პეკინის ტურნირის ფინალშია

საქართველოს პირველი ჩოგანი, ნიკოლოზ ბასილაშვილი პეკინის 500-იანი ტურნირის ნახევარფინალში ბრიტანელ კაილ ედმუნდს დაუპირისპირდა.

ქართველმა ჩოგბურთელმა ედმუნდს დაძაბულ ბრძოლაში, ორ სეტში, ანგარიშით 7:6(8:6); 6:4 მოიგო და ფინალში ასპარეზობის უფლება მოიპოვა.

ბასილაშვილი ფინალში არგენტინელ ხუან მარტინ დელ პოტროს დაუპირისპირდება, რომელიც ტურნირზე პირველი განთესვით ასპარეზობს. მატჩი ქართველ და არგენტინელ ჩოგბურთელებს შორის ხვალ, 7 ოქტომბერს, 15:30 საათზეა ჩანიშნული.

აღსანიშნავია, რომ ფინალში გასვლით ნიკოლოზ ბასილაშვილი 300 სარეიტინგო ქულას შეიძენს და მსოფლიო რეიტინგში სავარაუდოდ 28-ე პოზიციას დაიკავებს.

ნახეთ მეტი...